Мессининг трансфери А Серия клубларига қанчага тушиши мумкин?

Tuttosport нашри "Барселона" форварди Лионель Мессининг трансфери Италия клубларига қанчага тушиши мумкинлигини ҳисоблаб чиқди.

Унга кўра 32 ёшли аргентиналик футболчининг “кўк-анор ранглилар” билан тузган шартномаси 2021 йилда ўз ниҳоясига етади ва шундай бўлсада унда жорий мавсум якунлангач ҳам жамоани эркин агент сифатида тарк этиш ҳуқуқи мавжуд. Бироқ, Мессини хатто эркин агент ҳолатида қўлга киритиш ҳам клубларга камида 350-365 млн еврога тушади. Ушбу маблағлар футболчининг 4 йиллик маоши, имиж ҳуқуқи ва солиқларни ўз ичига олади.

Эслатиб ўтамиз, бундан аввалроқ Месси “Барселона” раҳбарияти билан келиша олмай қолгани ва шу боис жамоадан кетиши мумкинлиги ҳақида хабарлар тарқалган эди.