Мехди Тареми учун Европанинг икки гранди курашмоқда

"Порту" ҳужумчиси Меҳди Тареми Европанинг икки топ-клуби манфаатлари доирасида. "Todofichajes" нашри хабарига кўра, эронлик форвардни "Реал" ва "Манчестер Юнайтед" ўз сафига қўшиб олмоқчи.

31 ёшли футболчи учун курашда инглиз гранди етакчилик қилмоқда. Катта эҳтимол билан қишки трансферлар ойнасида Тареми "қизил иблислар" сафига бориб қўшилади. Унинг нархи 10 миллион еврони ташкил қилади.

Эронлик футболчи Португалия клубида 2020 йилнинг ёзидан буён ўйнамоқда. Томонлар ўртасидаги амалдаги шартнома келаси йил якунига етади.