"Милан" А Серия тарихидаги энг ёш дебютантни жамоада олиб қолмоқчи
16 ёшли ҳужумчи Франческо Камарда "Милан" билан шартномасини узайтиради.
Фабрицио Романонинг сўзларига кўра, қарор аллақачон қабул қилинган, футболчи ва клуб вакиллари яқин вақт ичида шартнома имзолаш учун учрашадилар.
"Милан"нинг ҳужумчи билан амалдаги шартномаси ёзгача мўлжалланган. Шу тариқа, Камарда эркин агент сифатида клубни тарк этмайдиган бўлди.
2023 йилнинг ноябрь ойида Франческо Камарда А Серия тарихида майдонга тушган энг ёш футболчига айланди. Ўшанда "россонери" ҳужумчиси 15 ёш-у 260 кунлик эди.
Фикрлар