"Милан" "Барселона"га икки томон учун фойдали бўлган таклиф юборди

Дани Ольмо вақтинча "Милан"га ўтиши мумкин. Бу ҳақда "Corriere della Sera" нашри хабар берди.

Маълумотларга кўра, Милан клуби ярим ҳимоячига олти ойлик шартнома таклиф қилган. Шартномага кўра, испаниялик футболчи июль ойида "Барселона"га қайтиши мумкин. Қайд этилишича, бундай қарор "Милан"га жамоани вақтинча кучайтиришга, "Барселона"га эса қийин вазиятдан чиқиш йўлини топишга имкон беради.

Аввалроқ, Ла Лига ва Испания Қироллик футбол федерацияси (РФЕФ) "Барселона" Данини рўйхатдан ўтказишни рад этгани эълон қилинган эди.

Бу мавсумда Олмо Ла Лигада 11 та ўйин ўтказиб, 5 та гол урган. 26 ёшли футболчининг тўлиқ статистикаси билан бу ерда танишиш мумкин.