"Милан" билан келиша олмаётган Доннарумма учун АПЛ гранди асосий даъвогар бўлиб турибди

"Милан" дарвозабони Жанлуижи Доннарумма "Челси"нинг ёзги трансферлардаги асосий мақсадларидан бири ҳисобланади. Бу ҳақда Eurosport хабар бермоқда.

Айтиш лозимки, Италия терма жамоаси посбонининг “россонерилар” билан амалдаги шартномаси мавсум охирида ўз ниҳоясига етади ва у ҳозирча ушбу келишувни узайтиргани йўқ. Ўз навбатида "Милан" Доннаруммага йилига 7,5 миллион евро маош ва 5 йиллик шартнома таклиф қилмоқда. Аммо футболчининг агенти Мино Райола миланликлардан мижозига йилига 10 миллион евро маош ва қисқа муддатли шартнома талаб қилмоқда.

Доннарумма учун “Челси”дан ташқари ПСЖ ҳам асосий даъвогарлардан бири ҳисобланади.