"Милан" "Челси" футболчисини ўз сафига қўшиб олмоқчи

"Gazzetta dello Sport" нашри хабарига кўра, Ҳаким Зиеш Лондоннинг "Челси" клубидан "Милан"га ўтиши мумкин.

Қайд этилишича, Италиянинг амалдаги чемпиони раҳбарияти анчадан бери марокашлик плеймейкер хизматига қизиқиб келган, бироқ футболчининг юқори маоши трансферга тўсқинлик қилиб келаётган эди.

Эслатиб ўтамиз, "Аякс"дан ўтгандан сўнг Зиеш "аристократлар" сафида ўз ўрнини топа олмади. Жорий мавсумда Ҳаким барча мусобақаларда атиги 116 дақиқа майдонда ҳаракат қилди. Ярим ҳимоячи “Челси” либосида Чемпионлар лигаси, УEФА Суперкубоги ва клублар ўртасидаги жаҳон чемпионатида ғолиб чиққан.