"Милан" форварди учун яна бир испан клуби курашга қўшилди

"Милан" форварди Сусо учун яна бир клуб курашга қўшилди. Бу ҳақда La Gazzetta dello Sport нашри хабар тарқатмоқда.

Юқоридаги манбаага кўра испаниялик футболчи учун "Атлетико", "Валенсия" ва "Хетафе" клублари ортидан "Севилья" ҳам курашга қўшилган. Андалусияликлар спорт директори Рамон Мончи аллақачон ушбу трансфер бўйича ишларни бошлаб юборган.

Маълумот учун, Сусо жорий мавсум “Милан” сафида жами 17 та ўйинда майдонга тушди ва 1 та гол ҳамда 2 та голли узатмага муаллифлик қилди. Унинг айни дамдаги трансфер нархи 30 млн еврога баҳоланмоқда.