"Милан" футболчиси "Барса" учун тиббий кўрикдан ўтди

"Милан" футболчиси Франк Кессье "Барселона" учун тиббий кўрикдан ўтди. У Швейцариянинг Лугано шаҳрида текширувдан ўтган, деб хабар берди таниқли инсайдер Жанлука Ди Марцио.

Маълум бўлишича, футболчи испан клуби билан йилига 6,5 миллион евролик маошга рози бўлган. Шартнома ҳафта охирига қадар имзоланиши кутилмоқда.

Кессье "кўк-анорранглилар" билан келишувга эришса, мавсум якунигача "Милан" сафида тўп тепади. Сўнг ёзда у эркин агент сифатида "Барселона" таркибига келиб қўшилади. 

Статистикага кўра, Франк Кессье жорий мавсум А Сериянинг 23 баҳсида 5 та гол киритган.