"Милан" футболчиси Роналдунинг А Сериядаги рекордини йўққа чиқарди

А Сериянинг 35-туридан ўрин олган "Ювентус" ва "Милан" (0:3) жамоалари баҳсида "россонерилар" ҳимоячиси Фикайо Томори бош билан дарвозани ишғол қилди.

Эътиборлиси, 23 ёшли англиялик футболчи зарба бериш учун 2 метр 63 сантиметр баландликка сакради. Бу А Сериядаги янги рекорд ҳисобланади. Бунгача ушбу рекорд “Ювентус” ҳужумчиси Криштиану Роналдуга тегишли эди. Португалиялик футболчи "Сампдория"га қарши беллашувда 2 метр 54 сантиметр юқоридан боши билан зарба йўллаб гол урган.

Томори асли “Челси” футболчиси ҳисобланади. У мавсумни “Милан” сафида ижара асосида ўтказмоқда. У бу мавсум “россонерилар” таркибида жами 19 та ўйинда майдонга тушди ва 1 та гол урди.

“Милан” 35 турдан сўнг А Серия мусобақа жадвалида 4-ўринда бормоқда. “Ювентус” эса 5-ўринни эгаллаб турибди. Ушбу жамоалар орасидаги фарқ 23 очкони ташкил этади.