"Милан" ҳужумчисини АПЛ клубига сотмоқчи

"Милан" клуби ҳужумчиси Патрик Кутроне фаолиятини Англия премьер-лигасида давом эттириши мумкин.

Sky Sports нашри тарқатган хабарга кўра 21 ёшли италиялик футболчига "Вулверхэмптон" клуби жиддий қизиқиш билдира бошлаган. “Россонерилар” эса молиявий фейр-плей қоидасини бузмаслик учун 25 миллион еврога баҳоланаётган ушбу футболчисини сотиб юбормоқчи. Бироқ, Кутроненинг ўзи “Сан-Сиро”да қолишни истамоқда.

Маълумот учун, Кутроне ўтган мавсум А Серияда жами 34та ўйинда майдонга тушди ва ўз ҳисобига 3та гол ҳамда 2та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!