Ads

“Милан” кўпгина жамоалар қатори “Арсенал” ҳужумчиси Оливье Жиру учун курашга қўшилди.

30 ёшли футболчи ўтган мавсум “тўпчилар” сафида етарли даражада ўйин амалиётига эга бўлмади. Бундан ташқари “Лион”дан Александр Ляказеттнинг Лондонга олиб келиниши ҳам Жирунинг имкониятларини пасайтириб юборади. Ҳозирда унинг “Арсенал”да қолиш-қолмаслиги ҳужумчи Алексис Санчеснинг шартномани узайтириш-узайтирмаслигига боғлиқ бўлиб турибди.

Маълум бўлишича, “Арсенал” футболчини ортиқча деб топадиган бўлса, “Милан” бу борада таклиф билан чиқишга тайёр.

Франциялик футболчига шунингдек, “Вест Хэм”, “Лион” ва “Эвертон” клублари ҳам қизиқиш билдирган. Жирунинг ўзи эса “Арсенал”да қолишни афзал билмоқда.