"Милан" Лукас Пакетани қанчага сотишини маълум қилди

"Милан" клуби раҳбарияти жамоа ярим ҳимоячиси Лукас Пакетани қишки трансферлар даврида сотиб юборишга тайёр.

Football Italia нашри тарқатган хабарга кўра “россонерилар” бразилиялик футболчининг трансферини 35 млн еврога баҳолашмоқда. Унга эса асосий даъвогар ПСЖ ҳисобланади.

Маълумот учун, “Милан” Пакетани бундан бир йил муқаддам 35 млн еврога сотиб олган эди. У ўтган давр мобайнида 32 та ўйинда майдонга тушди ва  ўз ҳисобига 1 та гол ҳамда 4 та голли узатма ёздириб қўйишга эришди.