"Милан" ўз легионерларига Италияга қайтишни буюрди

"Милан" клуби раҳбарияти легионер футболчиларга мурожаат қилди ва улардан келаси пайшанба кунигача жамоа қароргоҳига келишни сўради.

Gazzetta dello Sport нашри тарқатган хабарга кўра, 4 майдан бошлаб, Италия клублари машғулотларни бошлашлари мумкин. Чемпионат ўйинлари эса май ойи охирида давом эттирилади.

Клуб қароргоҳига айни дамда ўз ватанида бўлиб турган Златан Ибрагимович, Рафаэл Леау, Хакан Чалханоглу, Симон Кьер, Асмир Бегович ва Лукас Пакета етиб келиши керак. Улар Миланга келишгач, 2 ҳафталик карантинга олинишади.

“Милан” 26 турдан сўнг А Серия мусобақа жадвалида 7-ўринда бормоқда.

Фикрлар

Фикр қолдириш учун авторизациядан ўтинг!