"Милан" раҳбари Суперлига ҳақида: Янги мусобақа миллиардлаб мухлислар эътиборини жалб қилади

"Милан" клуби бош директори Иван Газидис янги ташкил этилган Европа Суперлигаси ҳақида ўз фикрини билдирди.

"Ишончимиз комилки, янги мусобақа дунё бўйлаб миллиардлаб мухлислар эътиборини жалб қилади. Ишонамизки, бу футболни ривожлантиришда ҳаяжонли янги босқич бўлади.

Суперлига молиявий сармоялар билан бутун футбол пирамидасига ёрдам беради. Аммо А Серия биз Италияда дам олиш кунлари ўйнайдиган энг муҳим турнир бўлиб қолади. "Милан" Италия чемпионатида ўйнашни давом эттиришдан фахрланади", – деб ёзди Газидис ўзининг инстаграмдаги саҳифасида.

Суперлигага “Милан”дан ташқари “Интер” ва “Ювентус” каби А Серия клублари ҳам кирган. Ўйинлар август ойидан бошланади.