"Милан" "Реал" билан музокаралар ўтказмоқда
Уни "Сан Сиро"да олиб қолишмоқчи.
"Реал" ва "Милан" клублари ҳужумчи Браим Диаснинг трансфери масаласида музокаралар олиб бормоқда.
Goal.com нашрининг ёзишича, “россонерилар” 21 ёшли футболчини сотиб олади ёки яна ижарага олади. "Қироллик клуби" Диаснинг трансферини 30 миллион еврога баҳоламоқда. Шунингдек, “Реал” ўзаро келишувда белгиланган миқдордаги пул эвазига футболчини қайта сотиб олиш бўйича ҳам алоҳида банд қўшилишини хоҳламоқда.
Браим Диас ортда қолган мавсум "Милан"да ижара асосида ўйнади ва 39 учрашувда майдонга тушди. У ушбу баҳсларда ўз ҳисобига 7 та гол ҳамда 4 та голли узатма ёздириб қўйди.
Диаснинг “Реал” билан амалдаги шартномаси 2025 йилга қадар имзоланган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар