"Милан" таркибига сиғмаган ҳимоячи Испания чемпионатига кўчиб ўтди

Италиянинг “Милан” клуби ҳимоячиси Родриго Эли фаолиятини Испаниянинг “Алавес” клубида давом эттирадиган бўлди. Бу ҳақда клуб расмий сайти хабар тарқатди.

Хабарда келитирилишича, 23 ёшли футболчи жамоа билан 4 йиллик шартномага имзо чеккан. Бироқ, келишувнинг молиявий томонлари ошкор қилинмаяпти.

Қайд этиш жоиз, Эли ўтган мавсумни айнан “Алавес” сафида ўтказиб, 10 та ўйинда майдонга тушган ва примьера доирасида 1 та голга муаллифлик қилган.