"Милан" таркибни иқтидорли ярим ҳимоячи билан тўлдирди

Юссуф Фофана "Монако"дан "Милан" сафига бориб қўшилди. 

Италия клуби 25 ёшли хавбек трансферини эълон қилди. 

Франциялик футболчи миланликлар билан 2028 йилнинг ёзига қадар мўлжалланган шартномага имзо чекди. Аввалроқ, "Милан" Фофана учун 23+2 миллион евро тўлаши ҳақида хабар берилганди. 

Ўтган мавсумда Юссуф Лига 1 доирасида 32 та беллашувда майдонга тушиб, 4 та гол ҳамда 4 та голли узатма муаллифига айланган.