«Милан» Томори ва Лофтус-Чик бўйича қарор қабул қилди

«Милан» жорий мавсум якунланиши билан таркибдан иккита футболчи билан хайрлашиши кутилмоқда.

Франция нашри Foot Mercato хабарига кўра, клуб ҳимоячи Фикайо Томори ва ярим ҳимоячи Рубен Лофтус-Чик билан амалдаги шартномаларни узайтиришни режалаштираётгани йўқ. Ҳар икки футболчининг келишуви келаси ёзда ўз ниҳоясига етади.

Манба таъкидлашича, ушбу ўйинчилар билан йўлларни ажратиш «Милан»га маошлар фондида йилига тахминан ўн миллион евро атрофида тежамкорлик қилиш имконини беради.

Шу билан бирга, Томори жамоани қишки трансфер ойнасидаёқ тарк этиши эҳтимоли борлиги қайд этилган. Рубен Лофтус-Чик эса катта эҳтимол билан шартномаси тугагунча клубда қолади.

Эслатиб ўтамиз, беш турдан сўнг «Милан» Италия чемпионати жадвалида бешинчи ўринни эгаллаб турибди ва ҳозиргача 11 очко тўплаган.