"Милан" унинг маошини 2 баробар оширмоқчи

“Милан” клуби раҳбарияти ҳимоячи Давиде Калабрияга янги шартнома таклиф қилмоқчи. Бу ҳақда италиялик журналист Николо Скира хабар тарқатмоқда.

“Россонерилар” 24 ёшли футболчини таркибда сақлаб қолиш учун унинг маошини 2 баробар оширишга ҳам тайёр. Агар томонлар янги шартнома бўйича келишувга эришса, Калабриянинг йиллик маоши 2 млн еврога етади.

Давиде Калабрия жорий мавсум Италия А Сериясида жами 30 та ўйинда майдонга тушди ва ўз ҳисобига 2 та гол ҳамда 1 та голли узатма ёздириб қўйди. Унинг клуб билан амалдаги шартномаси 2022 йилга қадар имзоланган.

“Милан” 36 турдан сўнг 75 очко билан А Серия мусобақа жадвалида 3-ўринда бормоқда.