"Milan" va "Lester" bir futbolchi uchun da’vogarlik qilmoqda

"Seltik" klubi himoyachisi Kristofer Ayer faoliyatini nomdorroq jamoada davom ettirishi mumkin. Bu haqda italiyalik jurnalist Nikolo Skira xabar tarqatmoqda.

Yuqoridagi manbaga ko‘ra, 22 yoshli norvegiyalik futbolchi uchun "Milan" va "Lester" klublari da’vogarlik qilmoqda.

Ayer joriy mavsum “Seltik” safida 49 ta o‘yinda maydonga tushdi va 4 ta gol hamda 2 ta golli uzatmaga mualliflik qildi. Uning transferi esa 2,7 mln evroga baholanmoqda.