"Милан" ва "Ювентус" ўзаро футболчи алмаштириши мумкин

"Милан" клуби ярим ҳимоячиси Лукас Пакета фаолиятини "Ювентус"да давом эттириши мумкин. У “Милан”га келиши кутилаётган “кекса синьора” футболчиси Федерико Бернардески эвазига Туринга юборилиши мумкин.

Football Italia нашри тарқатган хабарга кўра А Серия грандлари ушбу рокировкани қишки трансферлар давридаёқ амалга оширишлари мумкин.

Эслатиб ўтамиз, бундан аввалроқ Пакета ПСЖга, Бернардески эса “Барселона”га йўл олиши мумкинлиги ҳақида хабарлар тарқалган эди.

Маълумот учун, 22 ёшли Пакета жорий мавсум 15 та ўйинда майдонга тушди ва 1 та голли узатмага муаллифлик қилди. 25 ёшли Бернардески эса 20 та ўйинда иштирок этди ва ўз ҳисобига 1 та гол ҳамда 1та голли узатма ёздириб қўйишга эришди.