"Шальке" ва "РБ Лейпциг" клублари собиқ бош мураббийи Ральф Рангник тез орада "Милан" бошқарувини ўз қўлига олади.

Tuttosport нашри тарқатган хабарга кўра, немис мутахассиси “россонерилар” раҳбарияти қониқмаётган Стефано Пиолининг ўрнини эгаллайди.

Таъкидлаш керакки, “Милан” Рангник билан анчадан буён музокаралар ўтказаётган эди. Ҳатто, унинг келишига қарши чиққан клуб спорт директори Бобан ҳам ўз хоҳишига кўра истеъфога чиққан эди.

Рангник нафақат “Милан”га бош мураббийлик қилади, балки жамоанинг спорт директори лавозимида ҳам ишлайди.

Матнда хатолик топсангиз, ўша хатони белгилаб, бизга жўнатинг (Ctrl + Enter)