Милик
Ads

Италиянинг “Наполи” клуби ҳужумчиси Аркадиуш Милик қишда жамоани тарк этиши мумкинлиги ҳақида айтиб ўтди. Football Italia нашрининг маълум қилишича гап унинг бошқа жамоага ижарага берилиши ҳақида кетмоқда.

“Уч ҳафта олдин қайта операция қилиндим. Тиззам ҳали ҳам шишади, баъзан оғриб ҳам туради. Лекин, ҳар куни ўзимни яхши ҳис қиляпман. Даволаниш яхши кетяпти. Тез орада бассейнда машғулотларни бошлайман.

Бошқа жамоага ижарага кетишим мумкинлигини инкор этмайман. Бу ўзимни яна аввалги ҳолатимга қайтишим учун жуда қулай имконият. Ана шундан сўнг 100 фоиз тайёр бўлиб ортга қайтаман. Терма жамоага келадиган бўлсак, мен мундиалда уларга ёрдам беришга тайёрман”, - дейди Милик.

Эслатиб ўтамиз, польшалик футболчи тиззасидан олган жароҳати сабаб йил сўнггига қадар майдонга туша олмайди.