Миллионлаб мухлисни жамлайдиган мусобақа ўтказилмаслиги мумкин

Франция ҳукумати коронавирус тарқалиши сабаб мамлакат ҳудудида 1 минг кишидан ортиқ мухлис тўпланадиган ҳар қандай тадбирларни бекор бўлиши ҳақида қарор чиқарди.

Мазкур қарор юзасидан теннис бўйича "Катта дубулға" туркумига кирувчи "Ролан Гаррос" мусобақаси директори Ги Форже шундай деди:

"Барчаси тушунарли. Ҳар қандай катта турнирда кўплаб мухлислар тўпланади. "Ролан Гаррос" мухлисларсиз ўтадими, ёки ўтказилмайдими? Бу саволларга аниқ жавоб бера олмаймиз. Ҳозирча мусобақа ўтиши учун барча чоралар кўрилмоқда, аммо ҳаммаси ҳам бизнинг қўлимизда эмас".

Эслатиб ўтамиз, Калифорниянинг Индиан-Уэллс шаҳрида 9-22 март кунлари "Indian Wells ATP Masters 1000" ва "Indian Wells WTA Premier Mandatory" мусобақалари ўтказилиши бекор қилинган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)