Мино Райола уч ойга агентлик фаолиятини олиб боришдан маҳрум этилди

Италия футбол федерацияси қошидаги агентлар ассоциацияси Мино Райолани уч ой ой муддатга фаолият юритиш ҳуқуқидан маҳрум этди. Бу ҳақда Football Italia нашри хабар бермоқда.

Юқоридаги манбаага кўра ҳозирча бунга айнан нима сабаб эканлиги маълум қилинмаяпти.

Аммо, бундан аввалроқ Райола ва Италия футбол федерацияси ўртасида можаро юзага келгани ҳақида хабар тарқалган эди.

Маълумот учун, Райола Марио Балотелли, Лоренцо Инсинье, Мойзе Кин, Поль Погба, Златан Ибрагимович ва Матейс де Лигт каби машҳур футболчиларнинг агенти ҳисобланади.