Миржалол Қосимов: АГМК жамоасига лидер футболчи етишмаяпти

"Чиройли, шиддатли ва жанговар ўйин кутган эдик ва шундай ҳам бўлди. «Бунёдкор»нинг тўп билан қай даражада ишлай олишини биламиз. Биринчи бўлимда керакли нуқталарда хатоларга йўл қўйдик. Хатолар, қолаверса ёмғир. Лекин охиригача курашдик. Жамоага лидер етишмаяпти.

Оддий вазиятда гол ўтказиб юбордик. Тўраевдан бундай гол ўтказиб юборишини кутмаган эдим.  Гол бўлган вазиятда Акбар оддий ҳолатда тўпни қўлидан чиқариб юборди ва бурчак тўпи белгиланди. Сўнг Пиримов қоида бузди ва…

 «Бунёдкор» бугун яхши ҳаракат қилди ва уларни ғалаба билан табриклайман. Бугун яккакурашларда имкониятни бой бердик. Лутфулла Тўраев Акбар Тўраев дарвозасига чиройли гол киритди", - деб Қосимовнинг сўзларини келтириб ўтди SPORTS.uz сайти мухбири Шаҳзод Холбоев.