Mirjalol Qosimov va Vadim Abramov qarama-qarshiligida juda katta ustunlik AGMK bosh murabbiyi tarafida

Superliga 3-tur doirasidagi AGMK — «Bunyodkor» uchrashuvi har ikkala murabbiylar, ya’ni Vadim Abramov hamda Mirjalol Qosimov uchun o‘zaro 8-to‘qnashuvga aylanadi.

Bunga qadar ushbu mutaxassislar O‘zbekiston chempionati, O‘zbekiston Kubogi, Superkubok hamda Liga Kubogi doirasidagi bahslarda bellashishgan. Mazkur qarama-qarshilikda yaqqol ustunlik jamoamiz ustozi Mirjalol Qosimov tarafida.

Mirjalol Qosimov Vadim Abramov boshqargan “Lokomotiv”, “Neftchi” hamda “Bunyodkor” jamoalarini barcha musobaqalarda jami 6 marotaba mag‘lub etishni uddalagan. Vadim Abramov esa faqatgina bir marotaba g‘alaba qozongan.