Мирзаҳаким Тўхтамирзаев, Равшан Комилов ва бошқа меҳмонлар ташриф буюрган

Намангандаги “Марказий” ўйингоҳида “Навбаҳор” футбол жамоасининг мавсумолди тақдимот маросими бўлиб ўтди.

Маросимда вилоят ҳокими, вилоят футбол ассоциацияси президенти Шавкатжон Абдураззақов ўйинчилар ва мухлисларни янги мавсум бошланаётгани билан табриклади.

photo_2021-03-04_17-12-45

Пандемия шароити бўлишига қарамай севимли жамоамизни қўллаб-қувватлашни канда қилмадик. Футболчилар Туркияда машғулотлар ўтади, клуб учун янги автобус харид қилинди. Энди асосий масала мухлислар кутаётган натижани қўлга киритишда қолди. Бунда биринчи галда маҳаллий ёшларга таянамиз, футбол академиясига эътибор қаратамиз. “Навбаҳор” чемпионлик маррасига кўз тикадиган пайт келди, — деди вилоят раҳбари.

Тадбирда клуб раҳбариятида ўзгариш бўлгани эълон қилинди. Шу пайтгача клуб вице-президенти вазифасида ишлаб келган Отабек Саматов “Навбаҳор” президенти сифатида иш бошлади. Олдинлари бу лавозимни анъанага кўра Наманган шаҳри ҳокими эгаллаб келарди.

photo_2021-03-04_17-12-45 (2)

Шундан сўнг клубнинг янги формалари намойиш этилди. “Навбаҳор” бу йил майдонга қизил, кўк ва оқ либосларда тушади. Уларда клуб рамзидан ташқари Наманган манзаралари ҳам акс эттирилган.

Таниқли шарҳловчи Мирзаҳаким Тўхтамирзаев йиғилганларга “Навбаҳор” жамоаси аъзолари ва мураббийларини таништирди. Улар орасида клубга янги келиб қўшилган ўйинчилар ҳам бор.

photo_2021-03-04_17-12-46

Жумладан, сербиялик легионерлар ҳимоячи Никола Тасич, ярим ҳимоячи Марко Путинчанин ва ҳужумчи Славиша Стоянович, дарвозабон Раҳимжон Давронов (“Машъал”), ҳимоячилар Фарҳод Мираҳмедов ва Хушнудбек Авилов (иккиси ҳам “Андижон”дан), ярим ҳимоячилар Баҳром Абдураҳимов (АГМК) ва Қувондиқ Рўзиев (“Қўқон-1912”) жорий мавсумда лочинлар сафида тўп тепадиган бўлди.

photo_2021-03-04_17-12-49

Тадбирда бош мураббий Нўъмон Ҳасанов, жамоа сардори Азим Аҳмедов сўзга чиқиб, раҳбарият ва мухлислар ишончини оқлашга, уларни чиройли ўйинлари ва юқори натижалари билан мамнун қилиш учун астойдил ҳаракат қилишга ваъда берди.

photo_2021-03-04_17-12-52

Тақдимот маросими Ўзбекистонда хизмат кўрсатган артист Равшан Комилов, сўз устаси Искандар Ҳамроқулов ва “Само” гуруҳи иштирокидаги концерт дастури билан давом этди.

photo_2021-03-04_17-14-37

photo_2021-03-04_17-14-32

photo_2021-03-04_17-14-35

photo_2021-03-04_17-14-36

photo_2021-03-04_17-14-40

Матнда хатолик топсангиз, ўша хатони белгилаб, бизга жўнатинг (Ctrl + Enter)