ММА бўйича жаҳон чемпионатининг ҳакамлар рўйхатидан уч нафар ўзбекистонлик мутахассис ўрин олди

Жорий йилнинг 19-25 ноябрь кунлари Албаниянинг Тирана шаҳрида IMAAF доирасида аралаш жанг санъатлари бўйича жаҳон чемпионати бўлиб ўтади.

Мазкур жаҳон чемпионатида Ўзбекистон терма жамоаси ҳам тўлиқ таркибда иштирок этади. Шунингдек, уч нафар ўзбекистонлик ҳакамлар ҳам чемпионатда фаолият юритадиган бўлди. Жумладан, Отабек Мусаев супервайзерлар қаторидан ўрин олган бўлса, Иззат Шарипов ҳамда Ботир Раҳмоновлар бевосита ҳакам сифатида фаолият юритади. Айтиб ўтиш жоизки, ҳар уччаласи ҳалқаро тоифадаги ҳакам саналади.