MMA bo‘yicha O‘zbekiston kubogi bo‘lib o‘tadi

Turnir Buxoro viloyatida 16-17 yoshli o‘smirlar va 18 yoshdan katta bo‘lgan yakkakurashchilar o‘rtasida bo‘lib o‘tadi. Musobaqada yurtimizning barcha viloyatlaridan kelgan o‘smirlar 10 ta, yoshlar 9 ta vazn toifasida, jami 200 nafardan ziyod sportchi o‘z mahoratini hakamlar nazoratidan o‘tkazadi, deb xabar bermoqda O‘zbekiston MMA assotsiatsiyasi matbuot xizmati.
⠀
Pandemiya bo‘lishiga qaramay, sportchilar turnirga onlayn tarzda tayyorlangan. Tajribali murabbiylar nazorati ostida onlayn-mashg‘ulotlar o‘tkazilgan.
⠀
O‘zbekiston kubogi musobaqasining saralash janglari 25-26 sentyabr kunlari, turnirning hal qiluvchi uchrashuvlari esa, 27 sentyabr sanasiga belgilangan. G‘oliblarga 19 ta oltin, shuncha kumush va 38 ta bronza medallari topshiriladi.