ММА бўйича Ўзбекистон кубоги бўлиб ўтади
Аралаш жанг санъатлари бўйича Ўзбекистон кубоги баҳслари 25-27 сентябрь кунлари ўтказилади!
Турнир Бухоро вилоятида 16-17 ёшли ўсмирлар ва 18 ёшдан катта бўлган яккакурашчилар ўртасида бўлиб ўтади. Мусобақада юртимизнинг барча вилоятларидан келган ўсмирлар 10 та, ёшлар 9 та вазн тоифасида, жами 200 нафардан зиёд спортчи ўз маҳоратини ҳакамлар назоратидан ўтказади, деб хабар бермоқда Ўзбекистон ММА ассоциацияси матбуот хизмати.
⠀
Пандемия бўлишига қарамай, спортчилар турнирга онлайн тарзда тайёрланган. Тажрибали мураббийлар назорати остида онлайн-машғулотлар ўтказилган.
⠀
Ўзбекистон кубоги мусобақасининг саралаш жанглари 25-26 сентябрь кунлари, турнирнинг ҳал қилувчи учрашувлари эса, 27 сентябрь санасига белгиланган. Ғолибларга 19 та олтин, шунча кумуш ва 38 та бронза медаллари топширилади.
Изоҳлар (0)