Модрич «Олтин тўп» фаворити ҳақида гапирди

«Милан» ярим ҳимоячиси Лука Модрич 2026 йилги «Олтин тўп» учун асосий даъвогар ким, деган саволга муносабат билдирди.

Хорватия терма жамоаси сардорининг таъкидлашича, ҳозирча бу мукофотни ким қўлга киритишини олдиндан айтиш қийин, шунингдек у кимдирни алоҳида ажратиб, энг муносиб деб аташни истамаслигини билдирди.

«Ғолибни мухлислар овоз бериб аниқлашади. Номзодлар жуда кўп — ҳам «Реал»дан, ҳам бошқа жамоалардан. Кутамиз, ким ютишини кўрамиз. Мен ҳозирча ҳеч кимнинг исмини тилга олмасликни афзал биламан», — дея Модричнинг сўзларини келтиради Madrid Universal ўзининг ижтимоий тармоқдаги саҳифасида.

Ҳозирча «Олтин тўп» учун асосий фаворит сифатида «Бавария» ҳужумчиси Гарри Кейн кўрилмоқда.