Модрич "Реал"да қолиш учун маоши камайишига ҳам тайёр

"Реал" ярим ҳимоячиси Лука Модрич фаолиятини шу жамоада давом эттирмоқчи.

AS нашри тарқатган хабарга кўра, 34 ёшли футболчи “Қироллик клуби” билан шартномани узайтириш учун маошининг камайишига ҳам тайёр. Аммо, “Реал” Модричга ўринбосар сифатида қаралаётган Мартин Эдегорни муддатидан аввал ижарадан қайтариб олди.

Хорватия терма жамоаси аъзоси ўтган мавсум мадридликлар сафида 40 та ўйинда майдонга тушди ва 5 та гол ҳамда 8 та голли узатмага муаллифлик қилди. Унинг Испания чемпиони билан амалдаги шартномаси 2021 йилга қадар имзоланган.