Модрич терма жамоадаги фаолиятини давом эттирадими? Бош мураббий жавоб берди

Хорватия терма жамоаси бош мураббийи Златко Далич шогирди Лука Модричнинг Евро-2024даги эҳтимолий иштироки ҳақида фикр билдирди.

"Умид қиламанки, у биз билан қолади. Лука жамоамизнинг ажралмас бўлаги ҳисобланади. Унинг жавобини интиқлик билан кутаман. Барчасини Модричнинг қарори ҳал қилди",-деди мутахассис.

37 ёшли ярим ҳимоячи хорватияликлар сардори сифатида 2018 йилда Россияда бўлиб ўтган Жаҳон чемпионати кумуш медалини қўлга киритганди. Бу гал у жамоаси билан учинчи ўрин учун беллашувда иштирок этади.

Модрич терма либосида 2006 йилда дебют қилган ва шу вақтгача 161 учрашувда майдонга тушган.