Morgan "Atletiko"ga qarshi dastlabki bahsda "Lester"ga yordam bera olmaydi

Angliyaning amaldagi chempioni hisoblangan “Lester” klubi sardori Ues Morgan Chempionlar ligasining “Atletiko”ga qarshi chorak final dastlabki bahsini o‘tkazib yuboradigan bo‘ldi.

Aytish kerakki, Ues jarohat sababli “tulkilar”ning so‘nggi uchta uchrashuvini o‘tkazib yuborgan edi. Jamoa bosh murabbiyi Kreyg Shekspirning so‘zlariga ko‘ra Morgan hali to‘liq sog‘ayib ulgurmagan.

“Morgan hali o‘ynashga tayr emas, garchi u mashg‘ulotlarda ishtirok etayotgan bo‘lsa ham.

“Atletiko”dek kuchli jamoaga qarshi o‘yinga undan tezroq sog‘ayishini so‘rash biroz noqulay. Ammo, Morganning o‘rnida o‘ynayotgan Benaluan ham o‘zini yaxshi tomondan ko‘rsatmoqda”, - Shekspir Sky Sports nashriga bergan intervyusida.