Моуриньо Бернарду Силванинг жисмоний ҳолатини танқид қилди

Мадриднинг «Реал» жамоаси бош мураббийи Жозе Моуринью янги трансфер Бернарду Силванинг жисмоний ҳолати бўйича ўз фикрини билдириб, уни танқид қилди.

Моуриньюнинг ESPNга айтишича, Бернарду таътилдан жамоага яхши спорт формасида қайтмаган. Шу боис португалиялик футболчига жисмоний ҳолатини жиддий равишда яхшилаши керак бўлади. Шу билан бирга мутахассис Силвани юқори даражадаги маҳоратли футболчи сифатида баҳолади.

«У ҳужумларимизни ташкил этишда катта ёрдам бера олади. Силва майдонда чуқурроқ позицияда ҳам ўйнай олади. Умуман олганда, у уч-тўрт хил вазифада ҳаракат қила олади», — дея таъкидлади Моуринью.

Эслатиб ўтамиз, Бернарду Силва шу ёзда эркин агент сифатида мадрид клубига қўшилди. Сўнгги йилларда португалиялик яримҳимоячи Англияда «Манчестер Сити» таркибида тўп суриб келаётган эди. Силва «Реал» билан 2028 йил июнига қадар мўлжалланган шартнома имзолади.