Моуриньо "Реал" футболчисига имкон берадиган бўлди

«Реал» бош мураббийи Жозе Моуриньо янги мавсум режаларида Браим Диасга алоҳида ўрин бермоқда. Бу ҳақда журналист Бен Фернандес хабар берди.

Маълумотларга кўра, португалиялик мутахассис Диасни жамоа учун универсал футболчи, яъни «жокер» сифатида кўрмоқда. 

Моуриньонинг фикрича, марокашлик ҳужумкор футболчи ҳам марказда, ҳам ҳужумнинг ўнг қанотида бирдек фойда келтира олади.

Ўтган мавсумда Браим Диас «Реал» таркибида 42 ўйинда майдонга тушди. У шу баҳсларда икки бор гол урди ва тўққизта голли узатма муаллифига айланди. Transfermarkt портали футболчининг бозор қийматини 35 миллион евро атрофида баҳоламоқда.