Моуриньо Винисиусни "Реал"да қолишга қандай кўндирганини айтди

«Реал Мадрид» бош мураббийи Жозе Моуринью бразилиялик юлдуз Винисиус Жуниор билан шартнома масаласида қандай суҳбат ўтказгани ҳақида гапириб берди.

Винисиус узоққа чўзилган музокаралардан сўнг «Қироллик клуби» билан янги шартнома имзолади. Янги келишувга кўра, вингер 2032 йилга қадар «Реал» шарафини ҳимоя қилишда давом этади.

- Вини шартномани мен учун узайтирдими? Йўқ, йўқ. Албатта, у билан гаплашганман. Унга: «Вини, сен фақат Мадридни биласан. Бу ердан кетганингдан кейингина, бу клуб қай даражада улкан эканини, нимадан воз кечганингни англайсан. Кетма, бунга арзимайди», дедим. У бу ерда ўзини топган, ўз жойида, – дея таъкидлади Моуринью El Chiringuito дастури эфирида.

Маълумот учун, Винисиусни ўз сафига қўшиб олишга Лондоннинг «Арсенал» жамоаси ҳам жиддий қизиқиш билдирган эди. 26 ёшли футболчининг олдинги шартномаси 2027 йилгача амал қиларди.