Моуриньо бу ҳужумчини олиб қоладиган бўлди!
“Рома” бош мураббийи Жозе Моуриньо универсал ҳужумчи Николо Дзаньолони жамоа олиб қолишга қарор қилди.
La Repubblica нашрининг ёзишича, португалиялик мутахассис италиялик футболчининг мавсумолди йиғинларида ишга профессионал тарзда ёндошгани ва юқори функционал тайёргарлигидан ҳайратга тушган ва ҳужумчи ҳақидаги фикрларини ўзгартирган.
Аввалроқ, Моуриньонинг ўзи Дзаньолога бошқа жамоага ўтишни маслаҳат берганди.
Ёзги трансферлар мавсумининг катта қисмида “Ювентус” 23 ёшли ҳужумчини олиш учун анча ҳаракат қилди.
Лекин футболчини 50-60 миллион еврога баҳолаган римликлар туринликларнинг трансферга “Ювентус” ўйинчиларини қўшиб бериш бўйича бир неча таклифини рад этди.
Айни пайтда, Дзаньолога “Тоттенхэм” даъвогарлик қилмоқда. Англияликлар бу футболчи учун “Ювентус”длан кўпроқ маблағ тўлашга тайёр.
Шунга қарамай, Жозе Моуриньо Италия терма жамоаси ўйинчисини Римда қолдиришини билдирди.
Фикрлар