Моуриньо дисквалификация қилинди

УЕФА "Тоттенхэм Хотспур" жамоаси бош мураббийи Жозе Моуриньони битта учрашувга дисквалификация қилди. Португалиялик мутахассис Европа лигаси доирасида "Антверпен"га қарши ўйиннинг танаффусидан сўнг жамоасини ўз вақтида майдонга бошлаб тушмаган. Ўша беллашувда "шпорлар" 0:1 ҳисобида имкониятни бой берган эди.

Қайд этилишича, УЕФAнинг ушбу жазоси бир йилга кечиктирилган. Шу сабабли Моуриньо Европа лигасининг навбатдаги турида "Лудогорец"га қарши ўйинда жамоани бошқариши мумкин.