Mourin'yo Endrik bo'yicha yakuniy qaror qabul qildi
“Real”ni bosh murabbiyi boʻlishi kutilayotgan Joze Mourinyo yakunlangan mavsumning ikkinchi qismini ijara asosida oʻtkazgan braziliyalik hujumchi Endrik boʻyicha oʻz qarorini maʼlum qildi.
Taniqli insayder Fabrizio Romanoning ijtimoiy tarmoqlar orqali maʼlum qilishicha, portugaliyalik mutaxassis 19 yoshli iqtidorli futbolchi bilan hamkorlik qilishni rejalashtirmoqda.
Mourinyo qaroriga koʻra, Endrik yangi mavsumni Madrid superklubida boshlaydi va bor iqtidorini yana bir bor namoyish qilishiga toʻgʻri keladi.
“Real” asosiy tarkibiga kira olmagani uchun “Lyon”ga ijara berilgan futbolchi Frantsiya klubida samarali harakat qilib, beshta gol va yettita assist qayd etdi. Transfermarkt portali Endrikning transfer qiymatini 35 million yevro deb baholamoqda.
Fikrlar