Моуриньо пул учун "Ливерпуль"ни танламагани ҳақида эшитганмисиз?

Португалиялик машҳур мутахассис Жозе Моуриньо 2004 йилда "Ливерпуль" бошқарувини ўз қўлига олиши мумкин эди. Бу ҳақда франциялик журналист Николя Вилас ўзининг “Mourinho: Behind the Special” деб номланган китобида маълум қилди.

Моуриньонинг собиқ маслаҳатчиси айтган сўзларга қараганда, Жозе 15 кундан сўнг мерсисайдликлар бош мураббийига айланиши керак эди. Аммо, ўша пайтда “Челси” ҳам Моуриньонинг агенти билан алоқага чиққан ва унга молиявий жиҳатдан яхшироқ таклиф билдирган.

Китобда ёзилишича, Моуриньо “Челси” хўжайини Роман Абрамович билан бор йўғи 2 марта учрашган. Биринчиси, май ойида Чемпионлар лигаси ярим финалидан олдин, кейингиси эса мусобақа ғолиблигини қўлга киритгач содир бўлган.

Жозе Моуриньо “Челси”ни 2 марта - 2004-2007 ҳамда 2013-2015 йилларда бошқарган.