Моуриньо “Реал”дан “Манчестер Сити” ҳимоячисини олиб келишни талаб қиляпти

Мадриднинг "Реал" клуби "Манчестер Сити" ва Хорватия терма жамоаси ҳимоячиси Йошко Гвардиолнинг эҳтимолий трансферига тайёргарлик кўрмоқда. Тез орада "Реал"ни бошқариши керак бўлган Жозе Моуриньо 24 ёшли футболчини "қаймоқлилар" таркибида кўриш истагини билдирди. Бу ҳақда испаниялик журналист Алберто Перейро ижтимоий тармоқда хабар берди.

Манбага кўра, Моуриньо клуб президенти Флорентино Пересга мудофаа чизиғини мустаҳкамлаш ниятида эканлигини маълум қилган. Перес мураббийнинг илтимосига рози бўлди ва Гвардиолни сотиб олиш учун чоралар кўришга ваъда берди. Аввалроқ "Барселона" ҳам хорватиялик ҳимоячига қизиқиш билдиргани ҳақида хабарлар тарқалганди.

Жорий мавсумда Гвардиол "Манчестер Сити" сафида 25 та ўйин ўтказиб, иккита гол урди ва бешта голли узатмани амалга оширди. Transfermarkt маълумотларига кўра, Йошко Гвардиоланинг бозор қиймати 70 миллион еврони ташкил этади.