Моуриньо “Реал”дан “Сити” марказий ҳимоячисини олиб келишни талаб қилди

Мадриднинг “Реал” клуби “Манчестер Сити” ҳамда Хорватия миллий терма жамоаси ҳимоячиси Йошко Гвардиол трансферига тайёргарлик кўрмоқда.

Испаниялик журналист Альберто Перейронинг хабар беришича, тез орада “Реал”ни бошқариши кутилаётган Жозе Моуринью 24 ёшли футболчини жамоада кўришни хоҳламоқда.

Манбага кўра, Моуриньо клуб президенти Флорентино Пересга мудофаа чизиғини кучайтириш нияти ҳақида маълум қилган. Перес эса мураббийнинг илтимосига розилик билдириб, Гвардиолни сотиб олиш учун ҳаракат қилишга ваъда берган.

Аввалроқ Каталониянинг “Барселона” клуби ҳам хорват ҳимоячисига қизиқиш билдиргани ҳақида хабарлар чиққан эди.

Жорий мавсумда Гвардиол “Манчестер Сити” сафида 25 та ўйинда қатнашиб, 2 та гол урди ва 5 та голли узатмани амалга оширди. Transfermarkt унинг бозор қийматини 70 миллион евро, деб баҳолаган.