Моуриньо “Реал”га иккита зўр ҳимоячи танлади. Улар кимлар?

“Реал”ни қабул қилиб олиши айтилаётган Жозе Моуриньо янги жамоасидаги ўзгаришларни таркибни ўзига мослаштиришдан бошлайди.

Журналист Мигель Серрано маълумотларига кўра, португалиялик мутахассис биринчи навбатда ҳимоя чизиғини ислоҳ қилади.

Моуриньо ана шу мақсадини амалга ошириш учун “Интер” ҳимоячиси Алессандро Бастони трансфери бўйича қатъий позицияда турибди. Италиялик футболчи Моуриньонинг биринчи танлови ҳисобланади.

Бундан ташқари, Бастони португалиялик мураббий қўл остида ишлашни эртароқ бошлаши мумкин, чунки Италия жаҳон чемпионатида иштирок этмайди.

Моуриньо “Реал”га Испания чемпионатининг ўзидан ҳам ҳимоячи топиб қўйди. “Реал Сосьедад” ҳимоячиси Хон Мартиннинг ҳаракатлари машғур мураббий эътиборини тортган ва Жозе уни ҳам жамоаси сафида кўришни истамоқда.

Трансфер бўйича экспертларнинг таъкидлашича, “Реал” бу икки футболчини бир вақтнинг ўзида трансфер қилиши эҳтимолдан йироқ кўринмоқда.

Жорий мавсумда Хон Мартин “Реал Сосьедад” сафида барча турнирларда 32 та ўйинда қатнашиб, иккита гол урди.

Алессандро Бастони “Интер” сафида 40 та ўйинда қатнашиб, иккита гол урди ва олтита голли узатмани амалга оширди.