Моуриньо “Реал”га олиб келадиган футболчи билан шахсан музокара ўтказди

Мадриднинг “Реал” клуби бош мураббийлигига тайинланишга яқин турган Жозе Моуриньо Дортмунднинг “Боруссия” жамоаси ҳимоячиси Нико Шлоттербекка қизиқиш билдирмоқда.

Бу ҳақда журналист Андрес Мартинес ижтимоий тармоқда хабар қилди.

Португалиялик мутахассис 23 май куни бўлиб ўтган “Бавария” ва “Штутгарт” ўртасидаги Германия кубоги финалига ташриф буюрди.

Манбага кўра, Германияга ташрифи давомида Моуриньо Шлоттербекнинг атрофидаги агентлар билан ҳам учрашиб, футболчининг “Реал”га трансферини муҳокама қилган.

Нико Шлоттербек 2022 йилда “Фрайбург”дан 20 миллион евро эвазига Дортмунд суперклубига кўчиб ўтган эди. Унинг амалдаги шартномаси 2031 йил июнигача мўлжалланган.

Якунланган мавсумда Шлоттербек “асаларилар” сафида 37 та ўйин ўтказиб, бешта гол ва иккита голли узатма муаллифи бўлди. Transfermarkt унинг қийматини 55 миллион евро деб баҳоламоқда.