Моуриньога оғир жазо тайинланди

Туркия футбол федерацияси “Фенербаҳче”ни бошқараётган машҳур мураббий Жозе Моуриньо қилмиши бўйича ўз қарорини чиқарди.

Унга кўра, португалиялик мутахассис тўртта ўйинга дисквалификация қилинди. Шундан иккита ўйинни “Галатасарой” клубига нисбатан ирқчилик муносабатида бўлгани учун ва яна бир жуфт беллашувни ўзаро учрашувдаги тўртинчи ҳакам Славко Винчични ҳақорат қилгани туфайли ўтказиб юборадиган бўлди.

Эслатиб ўтамиз, Туркия чемпионатининг 25-турида “Фенербаҳче” ва “Галатасарой” ўзаро куч синашган ва учрашувда ҳисоб очилмаган эди. Жозе Моуриньо рақиб жамоанинг захирадаги ўйинчилари ва мураббийлари “маймундек сакради”, деган жумлагни ишлатган.

“Галатасарой” мутасаддилари буни ирқчилик сифатида баҳолаб, Жозе Моуриньо устидан ФИФА ва УЕФАга шокаят аризасини беришга қарор қилганди.

62 ёшли португалиялик мураббийнинг ўзи ирқчилик қилганини инкор этмоқда. “Фенербаҳче” раҳбарияти эса “Галатасарой” Моуриньонинг гапларини нотўғри талқин қилаётгани боис судга мурожаат қилишини билдирган.