Моуриньони Англияга чақиришяпти

“Рома”даги муваффақиятсизликлардан кейин ишсиз қолган ва кейинчалик “Фенербаҳче”ни қабул қилиб олган Жозе Моуриньо яна топ-лигаларда ишлаш имконига эга бўлди.

Transfer News Live ва Football Insider каби нашрларнинг маълум қилишича, португалиялик мутахассисга Англия Премьер-лигасида талаб бор.

“Рома” хўжайини Дэн Фридкин “Эвертон”ни сотиб олиш бўйича иш бошлаган. Савдо ишлари тугаши билан америкалик бизнасман бош мураббий Шон Дайч ўрнига эски қадрдони Жозе Моуриньонини олиб келишни режалаштирмоқда.

Моуриньо Англия жамоалари билан ишлашда катта муваффақиятларга эришган. У ўз даврида “Челси”, “Манчестер Юнайтед” ва “Тоттенхэм” сингари гранд клубларни бошқарган.