Моуриньони умуман кутилмаган жамоага чақиришяпти

“Рома”ни бошқараётган Жозе Моуриньо топ-мураббий даражасига кўтарилганидан кейин доим ўз олдига юксак мақсадларни қўйган гранд жамоаларда ишлаган.

Бироқ, португалиялик мутахассисга Англия Премьер-лигасининг ўртамиёна жамоаларидан “Вест Хэм” оғиз солмоқда. Ушбу клуб раҳбарлари жамоани Моуриньо бошқаришини истаяпти. Улар мураббийни кўндириш учун катта дармадли шартнома таклиф қилишга тайёр.

Айни пайтда “Вест Хэм”ни Дэвид Мойес бошқармоқда. Лекин унинг қўл остида жамоа хавфли ҳудудга яқинлашиб қолди.

Жозе Моуриньо Англия чемпионатида катта тажриба тўплаган. У ўз даврида “Манчестер Юнайтед”, “Челси” ва “Тоттенхэм”да ишлаган.