Мовсар Евлоев ҳеч қачон чарчамайди ва темпни туширмайди

Америкалик UFC жангчиси Фрэнсис Маршал ярим енгил вазнда рейтинг пешқадами ҳисобланган россиялик Мовсар Евлоев билан машғулотлари ҳақида  фикр билдирди.

“Мовсар ажойиб йигит . У билан ҳазиллашиб, бемалол гаплашиш мумкин. Лекин спарринг бошланиши билан барчаси жиддий тус олади. У ҳеч қачон чарчамайди ва темпни туширмайди. Партерда эса ҳам пастдан, ҳам юқоридан ниҳоятда яхши техника билан ишлайди. Қайси позицияда бўлишидан қатъи назар, у сизга тинчлик бермайди. Евлоев — ММАдаги ҳар бир рақиб учун ҳақиқий синов бўла олади. Ростини айтсам, у залдаги энг мушакдор йигит. Танасида деярли ёғ йўқ — йил давомида бир хил формада юради. Ҳатто у қачон сўнгги марта ширинлик еганини эслай олмайман”, — деди Маршал "Inside Fighting" YouTube каналига берган интервьюсида.

Маълумот учун, Евлоев 22 март куни "UFC Fight Night 270" турнирида Лерон Мёрфи билан жанг қилади.

Зебонисо Хамидова тайёрлади