Мозес Итаума Филип Хрговичга қарши даҳшатли жангдан сўнг нималар деди?

Британиялик боксчи Мозес Итаума Хорватия вакили Филип Хрговичга қарши бўлиб ўтган жанг ҳақида гапирди. 

"Кеча менинг куним эмасди. Биз катта мақсадларга қўл урдик ва тажрибали рақибга ютқаздик. Хрговични ғалаба билан табриклайман. Мен кутган натижага эриша олмадим, бироқ бу жанг келгуси беллашувларим учун жуда катта тажриба берди, деб ўйлайман. Мен албатта қайтаман", — деди британиялик.

Эслатиб ўтамиз, Лондондаги бокс оқшомида Мозес Итаума 9 раундга қадар очколар бўйича тўлиқ устунликка эришди, лекин айнан тўққизинчи раундда Филип Хргович томонидан йўлланган кучли зарбаларни ўтказиб юбориб, техник нокаутга учради.